Tuesday, May 17, 2022
21.5 C
Tirana

Sherri tek “Çajupi”/Një nga mësueset solli 7 persona me armë te dera e shkollës

Një sherr banal mes dy mësueseve në shkollën e mesme “Çajupi” në kryeqytet, ka degjeneruar sot me dhunë fizike ndërmjet familjarëve të tyre. Një kolege e dy mësueseve, të Letërsisë dhe Historisë, ka treguar se debati ka nisur të premten.

Kolegia e tyre pohon se bëhet fjalë për një debat banal, ku ishin përfshirë shtetasja me inicialet E.Q., mësuese Letërsie dhe shtetasja me inicialet D.T., që jepte lëndën e Historisë. Duke iu referuar dëshmisë së mësueses, kolegia e saj e Letërsisë kishte dërguar sot para shkollës 7 familjarë të saj. Sipas saj, thuhet se kanë qenë të armatosur dhe se vetë ishte futur në mësim. Në një rrëfim për ‘BalkanWeb’, ajo tregon më tej se mësuesja e Historisë nuk ishte lejuar që të futej në mësim nga këta persona, ndërsa ata thuhet se e kanë kërcënuar dhe se kanë kërkuar që ajo të sillte familjarë për sqarim.

Një familjar i mësueses që po kërcënohej, kishte kaluar aty rastësisht ndërsa ishte përballur me skenën. Pasi kishin shkëmbyer disa debate verbale, sherri ka degjeneruar deri në përdorimin e sendeve të forta, apo dhe karrigeve, ndërkohë që i plagosur ka mbetur familjari i shtetases me inicialet D.T., 32-vjeçari me inicialet E. K. Në lidhje me ngjarjen janë shoqëruar 5 persona, si dhe është sekuestruar një pistoletë me të cilën mendohet se është qëlluar disa herë në ajër.

- Reklama -

Më shumë nga kategoria




Të fundit

Ronela Hajati shpërthen ndaj kritikëve: Opinionistë të kalbur

Këngëtarja Ronela Hajati vijon që të kritikohet për performancën në Eurovision 2022. Ndonëse Eurovision-i ka mbaruar dhe është shpallur fituesi i këtij edicioni, në...

Nga gjoba tek dënimi me burg/Finalja e Conference League, “blindohet” Tirana

Policia e Shtetit ka hartuar një plan masash, për të garantuar finalen e "Conference League" që do të mbahet në Tiranë. Masat u njoftuan...

Suedia nënshkruan aplikimin për anëtarësimin në NATO

Ministrja e Jashtme e Suedisë, Ann Linde, nënshkroi të martën në mëngjes një aplikim që deklaronte se vendi dëshiron të anëtarësohet në NATO. Lëvizja shënon...

Turqia e prerë, s’do të miratojë anëtarësimin e Suedisë dhe Finlandës në NATO

Presidenti i Turqisë, Recep Tayyip Erdogan, tha të hënën se nuk do ta miratonte anëtarësimin e Suedisë dhe Finlandës në NATO, nëse ato sanksionojnë...

Energjia, 37 për qind e faturave nuk u paguan në kohë nga konsumatorët

Të paktën 37 për qind e faturave të energjisë nuk janë paguar në kohë nga konsumatorët, dhe nga ana e Operatorit të Shpërndarjes së...