Dje, seanca plenare në Kuvend është shoqëruar me tensione të forta brenda opozitës. Deputeti Halit Valteri është përplasur me Ralf Gjonin.
Në këtë situatë të tensionuar, kanë ndërhyrë deputetët e tjerë. Ishte Myslim Murrizi, i cili nxori jashtë sallës Valterin për të qetësuar situatën.
Deputeti Ralf Gjoni komentoi konfliktin mes tij dhe Halit Valterit në studion e “Dita jonë” në A2.
“Ishte një shkarje momentale e arsyes. Siç shikohet nga pamjet, unë jam i ulur dhe nuk e kuptova se çfarë ndodhi.
Kam përshtypjen se e ka pasur me dikë tjetër dhe unë u ndodha aty. Parlamenti është një vend i “nxehtë” në këto momente, pasi po flitet për diçka të rëndësishme si ndryshimi i sistemit zgjedhor”, tha Gjoni.
