Një konflikt në Elbasan ka përfunduar me arrestimin e menaxherit të një klubi nate. Mësohet se konflikti ka ndodhur mes menaxherit dhe një klienti, pas një sherri për motive të dobëta.
Pas kësaj, menaxheri B. Spaho ka nxjerrë armën dhe ka qëlluar, ndërsa policia është njoftuar menjëherë nga qytetarët.
Pas raportimit është bërë ndërhyrja e policisë, ndërsa në momentin e mbërritjes së autoriteteve, B.S. ka tentuar të largohet nga vendi i ngjarjes duke hedhur armën e zjarrit në tokë.
Në cilësinë e provës materiale u sekuestruan një armë e zjarri pistoletë, si dhe një gëzhojë.
I arrestuari do të hetohet nga Prokuroria e Elbasanit, për veprat penale. “Mbajtja pa leje dhe prodhimi i armëve, armëve shpërthyese dhe i municionit” dhe “Prishja e qetësisë publike”.
Njoftimi i policisë
Arrestohet në flagrancë nga Policia një 41 vjeçar, i cili ka qëlluar me armë zjarri në ajër dhe në momentin që ka mbërritur Policia, ka tentuar të largohet nga vendi i ngjarjes duke hedhur armën e zjarrit në tokë.
Në Sallën Operative të Komisariatit të Policisë Elbasan, ka ardhur një telefonatë se në lagjen “Viserian Xhuvani”, Elbasan, po ndodh një konflikt në një lokal ku janë dëgjuar dhe të shtëna me armë.
Menjëherë në drejtim të vendngjarjes kanë shkuar shërbimet e policisë, ku falë reagimit të shpejtë të mirëorganizuar, kanë bërë të mundur arrestimin në flagrancë të shtetasit: B.S., 41 vjeç, banues në Elbasan.
Në cilësinë e provës materiale u sekuestruan një armë e zjarri pistolet, si dhe një gëzhojë.
Materialet i kaluan Prokurorisë pranë Gjykatës së Shkallës Parë Elbasan, për veprat penale. “Mbajtja pa leje dhe prodhimi i armëve, armëve shpërthyese dhe i municionit” dhe “Prishja e qetësisë publike”
