Një ngjarje e rëndë ka ndodhur mesnatën e mbrëmshme në qytetin e Gjirakostrës. Sipas ABC news, dy vëllezër, Enea dhe Kristofor Xhelili 24 dhe 26 vjeç, janë konfliktuar me një person të tretë i identifikuar sipas ABC news me emrin Aleko Shyti.
Ata janë përleshur me njëri-tjetrin dhe në sherr e sipër dy vëllezërit kanë goditur me thikë këtë të fundit në gjoks dhe fytyrë.
Autorët janë shoqëruar në komisariatin e policisë, ku Enea është arrestuar në flagrancë, ndërsa për vëllain tjetër është caktuar ndjekje penale. Ndërkaq, i dëmtuari u dërgua në spital për të marrë ndihmën mjekësore dhe është jashtë rrezikut për jetën.
