Kroacia nuk dorëzohet: Do punojmë për të futur Shqipërinë në BE

Kroacia vijon të apelojë vendet skeptike për hapjen e negociatave për Shqipërinë dhe Maqedoninë e Veriut.

Ka qenë kryeministri i Kroacisë, Andrej Plenkovic, ai që ka kërkuar që të jepet mesazhi i qartë se procesi i negociatave me vendet e Ballkanit Perëndimor përfundon me anëtarësimin e tyre në BE.

Ai shtoi se hapja e negociatave për Shqipërinë dhe Maqedoninë e Veriut si dhe organizimi i samitit të BE-së do të jenë prioritet kryesor i vendit të tij gjatë Presidencës së BE-së.

“Ne nuk e fshehim ambicien tonë për të mbështetur vendet anëtare që të hapin negociatat me Maqedoninë e Veriut dhe Shqipërinë. Raporti i radhës i Komisionit Evropian dhe propozimet për përmirësimin e metodologjisë së procesit të negociatave do të jenë thelbësore në këtë drejtim”, është shprehur Andrej Plenkovic.

Lexo edhe :

• Debate të ashpra në Greqi për rrugën me Shqipërinë

• 12 orë me 40 gradë, këta janë llojet e viruseve që po qarkullojnë në Shqipëri

• Përkujtohet Kongresi i Lushnjës dhe 100 vjetori i parlamentit të Shqipërisë