Një plagosje me thikë është regjistruar pasditen e sotme në qytetin e Ersekës.
Bëhet me dije se në konflikt janë përfshirë 5 persona nga fshati Taç, mes tyre edhe kushërinj, të cilët janë zënë për zaptim të tokës.
Kaq ka mjaftuar që në këtë konflikt masiv të përdoren thikat, e për pasojë ka mbetur i plagosur njëri prej tyre.
Burime për Top Channel njoftojnë se njëri prej kushërinjve është plagosur rëndë dhe është transportuar në Spitalin e Korçës nga ku mësohet se është jashtë rrezikut. Ndërsa të tjerët të përfshirë në sherr kanë marrë plagë të lehta.
Në këtë konflikt mësohet se janë përfshirë edhe njerëz që jetojnë prej vitesh jashtë shtetit, ndërsa burime theksojnë se sherri të ketë nisur pikërisht për zaptimin e tokave të njëri-tjetrit.
Ndërkohë, njëri prej autorëve është munduar të largohet nga vendi i ngjarjes dhe në nxitim e sipër, mjeti ka marrë përpara një shtetase femër, e cila është plagosur dhe transportuar në spital.
