Një natë e zakonshme në disko mbrëmë është kthyer në një arenë boksi në Itali. Një sherr masiv, ku u përfshinë së paku 10 persona degjeneroi në dhunë dhe gjak.
Në ngjarje kanë qenë të përfshirë dhe tre të rinj shqiptarë. Sipas mediave italiane, sherri ka nisur për arsye banale dhe më pas ka degjeneruar për dhunë dhe përplasje me sende të forta, shishe dhe karrige. Ngjarja ndodhi në diskotekën “La Grotta di Artegna” në provincën e Udine.
Nga sherri ka mbetur i dëmtuar njëri prej shqiptarëve, i cili është plagosur në spital pasi është goditur me shishe qelqi në kokë.
Ndërkohë, tre persona, një punëtor shqiptar që banon në Tavagnaço, një punonjës 20-vjeçar nigerian dhe një picajol 26-vjeçar gjithashtu me kombësi shqiptare, u arrestuan nga policia.
Policia ndërhyri në vend për të parandaluar përshkallëzimin e mëtejshëm të situatës, ndërkohë që më parë personeli i sigurisë kishte tentuar të ndante personat e përfshirë në sherrin masiv.
