Aktorët e njohur të humorit Ledio Lako dhe Gentian Hazizi raportohet të jenë përfshirë në një sherr fizik.
Ngjarja ka ndodhur mbrëmë në Bulevardin “Gjergj Fishta”, pranë një karburanti, për motive që ende nuk janë bërë zyrtarisht të qarta.
Mësohet se Lako ka goditur me përforcues grushti metalik, shtetasit Gentian Hazizi dhe Elton Myftiu. Policia ka ndërhyrë dhe i ka shoqëruar palët, ndërsa për Ledio Lakon ka nisur procedimi penal në gjendje të lirë.
Ende nuk dihet arsyeja pse mund të ketë lindur sherri mes dy aktorëve. Të dy aktorët janë bërë të njohur për publikun nga spektakli i humorit “Portokalli”.
NJOFTIMI ZYRTAR
Më datë 27.04.2020, u referuan materialet në Prokurorinë pranë Gjykatës së Shkallës Parë Tiranë, për shtetasin Ledio Kristaq Lako, i datëlindjes 06.04.1980, banues në Tiranë, me arsim 16 klasë, sepse në orën 12:15, në bulevardin “Gjegj Fishta”, në afërsi të karburant “Elda”, ka goditur me përforcues grushti, metalik, shtetasit Gentian Riza Hazizi dhe Elton Agron Myftiu, të datëlindjes 16.11.1972 e 10.07.1975, banues në Tiranë, me arsim 12 e 16 klasë. Përforcuesi metalik, u sekuestrua në cilësinë e provës materiale. Nenet 279 e 89 të K.P.
