Një konflikt për motive banale ka përfunduar me plagosjen e dy të rinjve në Shkodër. Një nxënës 17-vjeçar është plagosur me thikë nga shoku i tij i klasës. Ata janë konfliktuar jashtë ambienteve të shkollës, ku sherri verbal degjeneroi në përdorimin e thikave.
Shtetasi me inicialet J.F., 17 vjeç, është konfliktuar jashtë ambienteve të shkollës me shokun e tij të klasës me inicialet E. N., 17 vjeç, për motive të dobëta. Burime zyrtare të policisë njoftojnë se i plagosuri ndodhet në spital, jashtë rrezikut për jetën.
Njoftimi i policisë
Në Spitalin Rajonal Shkodër është paraqitur i dëmtuar me mjet prerës thikë, shtetasi J.F., 17 vjeç.
Nga veprimet paraprake rezulton se është konfliktuar jashtë ambienteve të shkollës me shokun e tij të klasës me shtetasin E. N., 17 vjeç për motive të dobëta.
I dëmtuari ndodhet në spital jashtë rrezikut për jetën.
Falë veprimeve të shpejta të shërbimeve të Komisariatit të Policisë Shkodër u bë e mundur kapja e autorit të ngjarjes dhe shoqërimi i tij për veprime të mëtejshme.
Grupi hetimor vijon punën për sqarimin e rrethanave të ngjarjes.
