Qeveria franceze do të dërgojë më shumë policë në Calais për të goditur bandat e emigrantëve, tha të premten ministri i Brendshëm, pasi një sherr kishte shpërthyer mes bandave rivale, ku mbetën të plagosur 5 refugjatë, shkruan Tirana Today.
Ministri i Brendshëm Gerard Kolomb tha se do dërgonte më shumë policë në portin verior, ku azilkërkuesit dhe emigrantët ekonomikë që shpresojnë të arrijnë në Britani vazhdojnë të bien pre e kontrabandistëve të panjohur.
Shpërthimi i dhunës së të enjtes ishte një kujtesë e zymtë se shpërbërja e një kampi në fund të vitit 2016 kishte dështuar të ndalte mbërritjen e emigrantëve në Calais.
Eritreasit dhe afganët u përfshinë në një konflikt, me armë dhe me shyfta metalike ku mbetën të plagosur rëndë 5 emigrantë.
Kryebashkiakja e Calais, Natacha Bouchart tha se qyteti i saj ishte duke u përballur me një fultë nga shumë grupe refugjatësh.
“Ne e dimë se ka udhëheqës bandash … dhe janë këto rrjete që ne duhet ta çmontojmë”, shtoi ministri, shkruan Reurtes.
Por, më tej u bë e ditur se më shumë azilkërkues në Francë erdhën nga Shqipëria, sipas të dhënave zyrtare. Kolomb tha se ndërsa Gjermania i trajtoi rastet e shiptarëve në disa ditë, Franca i trajtoi në tre vjet. Por, mesa duket shqiptarët nuk janë një shqetësim vetëm për Francën por edhe për vende të tjera evropiane.
Kështu raportohet se 5 shqiptarë, të cilët u gjetën në një anije mallrash në Fenit të premten, tani kanë aplikuar zyrtarisht për azil në Irlandë.
Të pesë shtetasit shqiptarë – të gjithë të moshës në 20 vjeç – u arrestuan pasditen e së premtes dhe u morën në pyetje në stacionin Tralee Garda.
Ata ishin fshehur në ekuipazhi që u nis nga Spanja për në Irlandë. Mendohet se shqiptarët kishin arritur të futeshin fshehurazi në anije pasi anija para se të nisej ishte e ankoruar në në Bilbao.
Pas marrjes në pyetje në stacionin Tralee Garda, të pesë burrat u liruan, dhe tani po procedohet për të shikuar kërkesat që ata kanë paraqitur për azil.
Tani ata do të strehohen në një qendër azilkërkuesish në Dublin në Irlandës, dhe do të presin nëse do të pranohen apo do të deportohen, raporton independent.ie.
Sipas legjislacionit aktual ndërkombëtar të refugjatëve, nëse burrat eventualisht do të dëbohen nga Irlanda, ata me shumë gjasa do të kthehen në Spanjë dhe jo në Shqipëri.
Shqipëria – një vend i vogël ballkanik që konsiderohet relativisht i begatë sipas standardeve të Evropës perëndimore – nuk është pjesë e BE, edhe pse shteti i mëparshëm komunist ka qenë një vend kandidat për anëtarësim që nga viti 2014 dhe është në axhendën aktuale për zgjerimin e ardhshëm të BE. TIRANA TODAY
