Presidenti Ilir Meta ka reaguar në lidhje me shërimin e mjekëve Skënder Brataj dhe Andi Koraqi nga koronavirusi.
Meta ka shpërndarë në Facebook postimin e ministres së Shëndetësisë, Ogerta Manastirliu. Kreu i shtetit thotë se ky është një lajm i mirë dhe i gëzueshëm, ashtu siç është shërimi i çdo mjeku apo infermieri tjetër nga kjo pandemi e rrezikshme.
Presidenti theksoi se duhen forcuar masat mbrojtëse ndaj mjekëve, duke iu lehtësuar kështu edhe punën me sa është e mundur.
Postimi i plotë:
Shërimi i Dr.Skënder Brataj dhe Dr.Andi Koraqi nga #COVID19 është një lajm i mirë dhe i gëzueshëm për të gjithë, sikundër është edhe shërimi i të gjithë mjekëve dhe infermierëve të cilët e kanë fituar betejën me këtë pandemi të rrezikshme!
Duke i falenduar të gjithë mjekët dhe personelin shëndetësor, që me përkushtim të jashtëzakonshëm dhe profesionalizëm po sakrifikojnë si askush tjetër për shëndetin e çdo qytetari në vijën e parë të frontit, ritheksoj rëndësinë e forcimit të masave mbrojtëse ndaj tyre dhe domosdoshmërinë e bashkëpunimit tonë për t’ua lehtësuar punën sa të mundemi.
#MjekëtJanëHeronj
