Franca është një nga shtetet që po shënon numrin më të madh të viktimave në Evropë, kohët e fundit.
Në 24 orët e fundit në Francë janë shënuar 762 viktima, ndërsa janë regjistruar 6,524 raste të reja. Kështu numri total i viktimave në Francë ka shkuar në 15,729.
Deri më tani në vend janë regjistruar 143,303 raste të personave të infektuar. Nga këta: 28,805 pacientë janë shëruar ndërsa 98,769 raste janë ende aktive.
Sipas Worldometer, më shumë se 6,300 persona në Francë ndodhen në gjendje kritike për jetën. Franca është vendi i katërt në botë më i prekur nga COVID-19, pas SHBA-ve, Italisë dhe Spanjës.
Franca bashkë me Mbretërinë e Bashkuar janë dy shtetet që po regjistrojnë bilancet më të rënda në Evropë këto ditë. Në 24 orët e fundit në Mbretërinë e Bashkuar janë regjistruar 778 viktima, me një total prej 12,107 vdekjesh.
Dhjetë vendet më të prekura nga koronavirusi në botë (të renditura sipas numrit më të madh të rasteve të regjistruara):
- SHBA – 603,496 raste
- Spanjë – 172,541 raste
- Itali – 162,488 raste
- Francë – 143,303 raste
- Gjermani – 131,170 raste
- Mbretëria e Bashkuar – 93,873 raste
- Kinë – 82,249 raste
- Iran – 74,877 raste
- Turqi – 65,111 raste
- Belgjikë – 31,119 raste
Rreth 2 milionë njerëz nga e gjithë bota janë prekur nga COVID-19, ndërsa mbi 125 mijë persona kanë humbur jetën.