Koronavirusi ka shënuar viktimën e tij të parë në Greqi.
Bëhet fjalë për një 66-vjeçar, i cili ishte konfirmuar me virusin vdekjeprurës që në datën 2 mars. Ministria e Shëndetësisë njoftoi se i moshuari ishte i shtruar në Njësinë e Presionit negativ, të FPI në Patras.
66-vjeçari ishte ndër pelegrinët që u kthyen nga Toka e Shenjtë. Deri më tani numri i të prekurve nga koronavirusi në Greqi ka shkuar në 99.
Koronavirusi po përhapet shpejt në të gjithë Evropën, teksa deri më tani vetëm Kosova dhe Mali i Zi nuk kanë konfirmuar asnjë rast infektimi.
Shteti më i prekur në Evropë mbetet Italia me 827 viktima të shënuara dhe me mbi 10 mijë persona të prekur.
