Kryeministri britanik Boris Johnson ditën e sotme ka lënë spitalin, pasi gjendja e tij shëndetësore është përmirësuar dhe shenjat e koronavirusit janë zbehur.
Përmes një video-mesazhi të publikuar në rrjetin social Twitter, Johnson falenderoi në veçanti dy infermiere që sipas tij i kanë qëndruar pranë 48 orë rresht.
It is hard to find the words to express my debt to the NHS for saving my life.
The efforts of millions of people across this country to stay home are worth it. Together we will overcome this challenge, as we have overcome so many challenges in the past. #StayHomeSaveLives pic.twitter.com/HK7Ch8BMB5
— Boris Johnson (@BorisJohnson) April 12, 2020
“Dua të falenderoj çdo person në Mbretërinë e Bashkuar për sakrificën që kanë bërë dhe që po vazhdojnë të bëjnë. Mund ta imagjinoj se sa e vështirë ka qenë për të zbatuar rregullat e distancimit social.
Ne po bëjmë progres në këtë luftë kombëtare. Qëndroni në shtëpi, shpëtoni jetë. Faleminderit dhe gëzuar Pashkët”, vijoi kryeministri.
Po ashtu, Johnson shprehu mirënjohjen ndaj bluzave të bardha në Britani për sakrificat e tyre, në luftën me COVID-19.
