Kryeministri ende në detyrë i Kosovës, Ramush Haradinaj ka folur rreth takimeve të vendeve të Ballkanit për mini-shengenin.
Përmes një deklarate për mediat, Haradinaj u shpreh se nuk ka pasur një ftesë nga Shqipëria për samitin e radhës. Haradinaj shtoi se edhe nëse kjo ftesë vjen, ai është i vendosur që të mos marrë pjesë.
“Kosova nuk është e ftuar me aq sa di unë, të paktën jo deri tani që unë flas. Edhe në rrethanat që janë deri tani unë nuk marr pjesë. Por edhe ftesë nuk kemi marrë”, tha ai.
Samiti i radhës për minishengenin ballkanik do të mbahet në Durrës më 21 dhjetor.
