Kryetari i Partisë Demokratike, Lulzim Basha ka publikuar një video në rrjetet sociale, teksa rikujtoi prezantimin e programit për shëndetësinë.
Sipas Bashës, me programin e PD, mjekët dhe infermierët nuk do ta braktisin më vendin, por do të rritet numri i tyre si dhe do të hapet një fakultet i ri mjekësor.
Ai rikujtoi edhe një herë premtimin se paga e infermierëve do të bëhet 700 euro dhe e mjekëve 1200 euro.
”Në programin tonë “Shqipëria fiton Shëndetësinë”, paga e infermierëve do të bëhet 700 euro dhe e mjekëve 1200 euro. Ne do të rrisim numrin e mjekëve dhe do të hapim një fakultet të ri mjekësor në Shqipëri. Mjekët dhe infermierët nuk do ta braktisin më vendin.’’, shkruan Basha në rrjetin social, Facebook.
