Juristi i njohur, Adriatik Lapaj ka reaguar ashpër ndaj aksionit të IKMT-së, për prishjen e ndërtimeve pa leje në zonat bregdetare në jug.
I ftuar në emisionin ”Open” në Top Channel, Lapaj i tha zv.ministrit të Brendshëm Florian Hodaj, aksioni të shtyhej për në shtator për të mos penguar turizmin.
Sipas tij, ky aksion po bëhet për qëllime politike, teksa shtoi se ndërtimet e prishura një vit më parë në Ksamil, ishin me leje.
Adriatik Lapaj: ”Shqiptarë janë ata, nuk janë serb , shkoni prisni ato në Jalë, pse merreni me këto, prishni oligarkët, po shkoni tek ata qe sigurojnë bukën e fëmijëve. Muhabet koti tani, unë e njoh gjënë, nuk ishte urgjencë për ta bërë tani, por fakti që këto mblidhen dhe bëhet fushatë me to tregojnë që ka qëllim politik. Të gjitha që keni prish në Ksamil një vit më parë ishte me leje, ta them me përgjegjësi të plotë këtë.”
