Dje ka nisur prishja e shkollës së Pezës, që u dëmtua rëndë nga tërmeti i 26 Nëntorit. Bashkia ka bërë me dije se në të njëjtin vend, do të ndërtohet një shkollë e re, më ë bukur se e para. Me anë të një postimi, kryetari i Bashkisë Tiranë, ka dhënë lajmin e mirë teksa ka bërë dhe një vizitë në rrënojat e shkollës. Ai ka pohuar se çdo ndërtesë do të kontrollohet dhe nëse nuk ofron siguri do të shembet dhe do të rindërtohet.
“Jemi në një situatë ku nuk do marrim asnjë risk në qytetin e Tiranës. Për të gjitha ndërtesat që janë certifikuar si të pabanueshme ose të papërdorshme, do të fillojmë procesin e prishjes, për t’i bërë më të reja dhe më të bukura.
“Kombi i ish-kapitenit tonë”/Klubi i Marsejës thirrje për të ndihmuar Shqipërinë
Rasti i parë është rasti i shkollës në Pezë, e cila në tërmetin e datës 21 shtator pati pak dëmtime, kurse në tërmetin e 26 nëntorit pati dëmtime në konstruksion. Është një shkollë 40-50 vjeçare, për 200 nxënës, por do ta bëjmë më të madhe, për 300 nxënës, do të shtojmë edhe palestrën”, tha Veliaj.
Kryebashkiaku shtoi se për çdo familje, të cilës do t’i prishet pallati pasi nuk ofron më garanci për qëndrueshmërinë e tij, Bashkia e Tiranës do të ofrojë një qira 1 vjeçare.
“Për të gjitha pallatet që do të shpallen të pabanueshme, Këshilli Bashkiak do të miratojë një qira 1-vjeçare, që të sigurohemi që secili ka një strehë të sigurt mbi kokë, që jeta fillon normalisht, që do të ecim përpara dhe rikuperojmë nga e gjithë kjo fatkeqësi; ama, që të na japi edhe kohë 1 vit, që të vendosim se çfarë do bëjmë me këto ndërtesa të pabanueshme”, shtoi Veliaj.
