Trojani, vogëlushi nga Gjakova i cili vuante nga infeksioni sepsta, tashmë ia ka dalë mbanë pas shumë operacioneve. Trojani gëzon shëndet të mirë, e ndërsa ka qëndruar dy muaj e gjysmë në spital. Falë “Fundjavë Ndryshe” dhe bamirësve, djali tashmë do të nisë një jetë të re.
“Pas shumë operacioneve, dy muaj e gjysëm në spital, vogëlushi nga Gjakova ja doli. Trojani tani gëzon shëndet të mirë, falë kontributit tuaj. Faleminderit ZOT! Faleminderit të gjithë bamirësve! Faleminderit mjekëve. Të shkuara Trojan”.
Më herët, themeluesi i “Fundjavë Ndryshe”, Arbër Hajdari shkoi në Shkup, ku njoftonte se ishin mbledhur 20 mijë eurot e nevojshme për t’i ardhur në ndihmë Trojanit, i cili ndodhej në gjendje jo të mirë shëndetësore.
“Në Shkup, për ti dorëzuar shumën 20.000 Euro babait të Trojanit. Lotët e babait për të birin i cili ndodhet në spital në gjëndje jo të mirë shëndetësore, prekën zemrat e shqiptarëve!
I urojmë vogëlushit nga Gjakova, të shkuara dhe inshallah bëhet mirë. Ju faleminderit të gjithë bamirësve”, shkruan Arbër Hajdari në rrjetin social Facebook.
