Ministrja e Shëndetësisë, Ogerta Manastirliu ka publikuar në Facebook një video-mesazh të Shefes së Infektivit, Najada Çomo.
Çomo thotë se numri i personave të shtruar në shërbim është ulur, ndërsa ka edhe persona në gjendje të rëndë shëndetësore.
Sipas saj, shifra e të shtruarve dhe e të shëruarve është shumë optimiste, teksa i bën thirrje qytetarëve të vijojnë ta ruajnë distancimin personal.
“Flas nga shërbimi Infektiv. Në bazë të njohurive që kemi marrë, është ulur numri i personave të shtruar në shërbim. Kemi të sëmurë të rënduar. Na bën optimist shifra e të shtruarve dhe të shëruarit. Mjekimi që i kemi të sëmurëve ka qënë bashkëkohor. I është ofruar të gjithë pacientëve. Ka pasur edhe jetë të humbura pavarësisht mjekimit intensiv. Vazhdoni të ruani masat duke qëndruar të distancuar. Sëmundja ka vështirësi të jashtëzakonshme. Armë më e mirë është mbrojtja, ndërsa ne kemi mjekimin”, tha ajo.
Postimi i plotë:
“Kemi të shëruar por edhe të shtruar në gjendje të rëndë. Lufta nuk ka mbaruar, ju lutem respektoni masat, duke qëndruar të distancuar sepse kjo sëmundje ka pabesi të jashtëzakonshme”
Mesazhi i prof. Najada Çomo nga spitali #Infektiv në #QSUT.
