Shefi i Forcave të Armatosura Turke, Yaşar Güler dhe homologu i tij rus, Valery Gerasimov, kanë zhvilluar një bisedë telefonike lidhur me operacionin turk në veri të Sirisë, situatën e sigurisë atje dhe zhvillimet aktuale.
Agjensia Anadolu raportoi se operacioni turk, që filloi më 9 tetor, në lindje të lumit Eufrat, në veri të Sirisë, bëhet “për të siguruar kufijtë e saj duke eliminuar elementet terroriste dhe për të garantuar kthimin e sigurt të refugjatëve sirianë në shtëpitë e tyre dhe integritetin territorial të Sirisë.”
“Turqia me këtë operacion synon ta pastrojë rajonin në lindje të lumit Eufrat nga terroristët e PKK-së dhe dega e saj siriane PYD/YPG,” raportoi agjensia.
Rusia ka mbështetur regjimin sirian në luftën tetë vjeçare në vend, por, megjithëse Turqia ka kundërshtuar regjimin sirian, ajo ka punuar së bashku me Rusinë përmes procesit Astana.
Në vitin 2017, procesi i paqes në Astana për t’i dhënë fund konfliktit sirian u udhëhoq nga Turqia, Rusia dhe Irani në kryeqytetin Nur-Sultan të Kazakistanit, dikur i njohur si Astana. Që nga ajo kohë janë zhvilluar disa takime mbi Sirinë.
