Ditën e djeshme SHBA nisi procedurat zyrtare për shkëputjen përfundimtare nga Organizata Botërore e Shëndetësisë edhe pse njerëzimi është në kulmin e pandemisë.
Ndërkohë së fundmi, OBSH ka reaguar e shqetësuar lidhur me këtë zhvillim.
I dërguari special i Organizatës Botërore të Shëndetit për koronavirusin Dr. David Nabarro, theksoi se kriza e COVID-19 do të përkeqësohet akoma më shumë në 6 muajt e ardhshëm.
“Jam me të vërtetë shumë i mërzitur. Bota ka qenë duke u përballur me një krizë madhore shëndeti në gjashtë muajt e fundit dhe situata do të bëhet akoma më keq në 6 muajt e ardhshëm.
Ne na mbetet akoma shumë për të mësuar rreth virusit dhe mënyrës sesi duhet të përballemi me të.
Është vërtet shumë keq që vendi më i rëndësishëm për OBSH-në në terma të buxhetit ka vendosur që të tërhiqet. Kjo sinqerisht nuk është ajo që njerëzit kanë nevojë.
Efekti i tërheqjes së Trump do të ndihet në buxhetin e OBSH-së”, u shpreh Nabarro.
