“Nëse e kam unë, e ke dhe ti!” -tha Shane Michael pasi pështyu një burrë gjatë një përleshje të dhunshme jashtë një dyqani syzesh.
Një burrë nga Iowa në SHBA i cili u përfshi në një konfrontim fizik prej maskës anti-covid u dënua me 10 vite burg për sulmin.
Sherri u zhvillua më 11 nëntor pasi një burrë në një dyqan syzesh i kërkoi 42-vjeçarit Shane Michael të rregullonte maskën që i varej mu poshtë hundës , sipas ‘Iowa Capital Dispatch’.
Shkëmbimi solli konfrontim në parkingun e dyqanit, ku dy burrat filluan të ziheshin në tokë.
Njeriu tjetër thuhet se kafshoi krahun e Michael para se Michael të hiqte maskën dhe ta pështynte.
-“Nëse e kam unë, e ke dhe ti!”.
Dëshmitarët i thanë policisë se Michael u duk të ishte agresori gjatë konfrontimit të dhunshëm në mes të pandemisë. Ai u pa duke ndjekur burrin tjetër nga dyqani për t’u përballur me të.
Babai i Michael tha në Iowa Capital Dispatch se djali i tij nuk pranoi të mbulonte hundën e tij me maskë sepse ai vuan nga astma. Ai gjithashtu mbrojti veprimet e Michael, duke thënë se po vepronte në vetëmbrojtje.
Michael u dënua më 1 Prill për lëndim të rëndë me dashje, sipas gjykatës. Ai u dënua me 10 vjet burg këtë të mërkurë. Sipas Dispeçerit, avokati i Michael-it bëri kërkesë për rigjykim./buzzfeed
