Mediat e huaja raportojnë se është shënuar në Los Angeles rasti i katërt i koronavirusit vdekjeprurës në SHBA.
Sipas NBC Los Angeles, pacienti sapo ishte kthyer nga qyteti i Wuhan në Kinë, nga ku filloi edhe shpërthimi i këtij virusi.
“Nuk ka kërcënim të menjëhershëm për publikun e gjerë, nuk kërkohen masa paraprake të veçanta dhe njerëzit nuk duhet të përjashtohen nga aktivitetet bazuar në racën e tyre, vendin e origjinës ose udhëtimet e fundit nëse nuk kanë simptoma të sëmundjes së frymëmarrjes,” thuhet në një deklaratë të Shëndetit Publik të Qarkut në Los Angeles.
Pas rastit të së shtunës, ky është rasti i dytë i virusit që shënohet në Kaliforninë Jugore. Kujtojmë se deri më tani në Kinë kanë humbur jetën 56 persona, si pasojë e këtij virusi.
