Deputetja Rudina Hajdari ka shprehur shqetësimin e saj se mos investimet strategjike, që sipas saj po propagandon qeveria mund të jenë nga Kina dhe Turqia.
Gjatë fjalës së saj në Kuvend, Hajdari tha se investime të tilla do ta dëmtonin rëndë vendin tonë. Sipas saj, edhe SHBA po ngre alarmin në lidhje me këto investime.
“Qeveria e përdor Kuvendin për të miratuar ligjet me shpejtësi marramendëse dhe nuk kuptohet se ne kalojmë ligje pafund, kjo qeveri mundohet të shmangë vëmendjen duke përdorur fjalime që nuk kanë interes për shqiptarët. Investimet strategjike qe po flisni sot, uroj të mos jenë nga vende si Kina dhe Turqia, që do të dëmtojnë shumë vendin tonë.
Këto janë investime që vijnë direkt të miratuara nga qeveria e Kinës, duhet të jeni më serioze dhe të kontrolloni këto që janë të kontrolluar nga SHBA që po ngrenë alarmin për këtë investime, nuk duhet ti kthejmë kurrizin vendeve perëndimore. Nuk ka besim asnjë investim perëndimor të hedhë lekë pa sistem gjyqësor të besueshëm”, tha ajo.
