Gazetari Artan Hoxha, ka nxjerrë ‘provat’, që sipas tij, faktojnë aktin e fundit të DASH për të shpallur “non-grata” ish-kryeministrin Sali Berisha dhe familjen e tij. Hoxha, teksa ka nxjerrë disa lajme që datojnë që në vitin 2018-2019, provon për parashikimin e ‘frikshëm’ të tij.
Me tone ironike, gazetari thotë se Berishën e kanë damkosur për korrupsion në niveleve të larta. “Ishallah tërheq këmbën zvarrë edhe për të tjerët…”, shprehet më tej ai, duke paralajmëruar se radhën tashmë e kanë Meta, Basha dhe Rama. Ish-kryeministri Sali Berisha u shpall “non-grata” nga Departamenti Amerikan i Shtetit, bashkë me familjen e tij.
Lajmi u dha nga Sekretari Amerikan i Shtetit, Antony Blinken, i cili njoftoi sot zyrtarisht se Berisha ka minuar demokracinë, dhe se gjatë ushtrimit të detyrës së kryeministrit, është përfshirë në afera korruptive. Në faqen zyrtare, DASH ka publikuar vendimin e plotë, ku thuhet se Berisha ka qenë i përfshirë në veprime korruptive për shpërdorim të fondeve publike, dhe ndërhyrje në proceset publike duke përdorur pushtetin.
Në vendimin e tij, Blinken ka përcaktuar si të papërshtatshëm edhe bashkëshorten e ish-kryeministrit Liri Berisha, djalin Shkëlzen Berisha dhe vajzën Argita Berisha Malltezi.
Statusi
19 maj 2021
Departamenti i Shtetit shpall person të padeshirueshem dhe ndalon hyrjen e Sali Berishes dhe familjes se tij në Shtetet e Bashkuara të Amerikes….
Besoj se ta kam thene në kohen e duhur “Marshall”…
Dhe mos harro, të kane damkosur për korrupsion në niveleve të larta.
Nuk do mundesh më, ta mbash peng këtë vend…
17 shkurt 2018, 31 janar 2019, 19 maj 2021..
Respekte Marshall, me krah të lehta…
Dielli do të vazhdoje ta ngroh sërish, këtë vend të bekuar nga zoti…
Ishallah tërheq këmbën zvarrë edhe për të tjerët…
Kambanat, besoj, bien për ata që kanë vesh Shkelqesi President….
