Ish-Presidenti dhe kryeministri Sali Berisha është shpallur person ”non-grata” nga Departamenti i Shteteve të Bashkuara të Amerikës.
Për analistin Artur Zheji, kjo është një sinjal politik për të treguar se Berisha identifikohet me Partinë Demorkatike dhe se në selinë blu duhet të jenë të kujdesshëm.
I ftuar në emisionin ”Pikat mbi i”, në ”News 24”, Zheji u shpreh se vendimi është një mesazh i rëndë që nuk ka ndodhur në përmasat e një presidenti, dhe shtoi se DASH duhet ta shoqërojë me prova.
Artur Zheji: ”Për moshën që ka ai nuk udhëton aq larg. Ndoshta është sinjal politik, për të thënë që ato që identifikohet PD me Berishën duhet të jenë të kujdesshëm. Është e zeza mbi të bardhën. Meqë aleati strategjik i Shqipërisë, është Amerika, edhe nëse një vlerësues mund ta ketë gabim mund ta pranojmë këtë gjë, për arsye shtetërore shqiptarët duhet të besojnë atë që vjen nga DASH. Është mesazh i rëndë, nuk ka ndodhur në përmasat e një presidenti.
Drejtësia jonë e pakapur, reformimin e vet të përsosur, ka nisur me Gërdecin dhe çështjet në vijim. Kjo është një sinjal që çështjet do të merren. Si shqiptarë, them që s’ka asgjë të keqe. Zoti Berisha duhet të ketë forcën për t’u përballur me realitetin. Sigurisht mosha është e papërshtatshme, por kjo është jeta.”
Kjo s’ka ndodhur asnjëherë në historinë e Shqipërisë, kam dy tre vendime, kjo do të jetë tema shumëvjeçare si debat. Është jo vetëm akuzë, por vendim i DASH për të mos lejuar familjen Berisha për të hyrë në SHBA, por është dhe një sentencë, që përcakton në mënyrë përfundimtare, që sipas një investigimi familja Berisha ka ushtruar korrupsion. E para DASH duhet ta shoqërojë këtë me prova. Besoj që ka prova për këtë. Flitet për një krim korruptiv, në kohën që Berisha ka qenë kryeministër. Bëhet fjalë për rikthimin në pushtet, nga viti 2005 e deri në 2013. Ata ose duhet t’i japin vetë provat, ose t’i thonë Gjykatës shqiptare gjejini provat, por kjo nuk shkon. Faza tjetër, logjike, do të dalin provat që kanë, kjo është maja e ajsbergut, radikale që është marrë SHBA ndaj Shqipërisë. Në një vend si Shqipëria ajo e bën, sepse ne nuk kemi institucione. SHBA janë aleati ynë strategjik, arsyeja më e fortë e ekzistencës tonë si shtet.
Lajmi për shpalljen ”non grata” të Berishës u dha nga Sekretari Amerikan i Shtetit, Antony Blinken, i cili njoftoi sot zyrtarisht se ai ka minuar demokracinë, dhe se gjatë ushtrimit të detyrës së kryeministrit, është përfshirë në afera korruptive.
Në faqen zyrtare, DASH ka publikuar vendimin e plotë, ku thuhet se Berisha ka qenë i përfshirë në veprime korruptive për shpërdorim të fondeve publike, dhe ndërhyrje në proceset publike duke përdorur pushtetin.
Në vendimin e tij, Blinken ka përcaktuar si të papërshtatshëm edhe bashkëshorten e ish-kryeministrit Liri Berisha, djalin Shkëlzen Berisha dhe vajzën Argita Berisha Malltezi.
