14 amerikanë janë futur në karantinë në një avion pasi kanë rezultuar të prekur nga koronavirusi.
Pasagjerët të cilët tashmë do të qëndrojnë në karantinë në udhëtimin çarter nga Tokio, janë amerikanët të cilët më herët janë evakuuar nga anija që ishte në karantinë në Tokio “Diamond Princess”.
Më herët, Departamenti i Shtetit njoftoi se të gjithë shtetasit amerikanë që ishin në anije u evakuuan me një avion të posaçëm të dërguar nga qeveria amerikane. Por, gjatë kontrollit, u dallua se 14 prej personave të cilët ishin testuar vetëm dy ditë më parë kanë shfaqur simptoma të theksuara të virusit dhe nuk janë lejuar të udhëtojnë me pjesën tjetër.
Ata janë izoluar nga pjesa tjetër e pasagjerëve dhe pritet që të mbërrijnë në SHBA pas disa orësh. Avioni do të jetë në karantinë derisa personeli mjekësor të jap dritën jeshile për t’i zhvendosur në spitale të specializuara.
