Moderatorja Aida Shtino i ka munguar ekranit. Ajo mbetet një nga moderatoret më të pëlqyera për publikun, që nga periudha kur prezantonte emisionin “Njerëz të humbur”.
Duket se një projekt i ka rrëmbyer zemrën, dhe shumë shpejt do ti rikthehet publikut të saj. Por për çfarë bëhet fjalë, për këtë projekt kaq të komentuar në mediat rozë?
Programi titullohet “Identiteti”, dhe ka në themel gjithçka që përfshin këtë emër. Fokusi do të jetë kërkimi i një identiteti të humbur ndër shekuj, zbulimi i historive të patreguara më parë, të lëna në harresë ose edhe të humbura në kohë. Gjithçka që është mbajtur e fshehur ndër vite, por që përbën historinë dhe identitetin e kombit tonë, do të gjejë vend në një hapësirë të re në ekran, nën moderimin e Aida Shtinos.
“Identiteti” do të jetë në ekran çdo të premte, në orën 20:30, në ekranin e “Fax News”, nën moderimin e Aida Shtinos. Mësohet po kështu se në program do të jenë të ftuar personazhe të njohur të fushave të ndryshme, që do të sjellin për publikun këndvështrime të reja të historive të parrëfyera, mistere të lëna në harresë apo enigma që mundojnë ende sot shumë njerëz.
