Kryeministri Rama njofton në statusin e radhës në Facebook se pasditen e sotme do të ketë një bisedë telefonike me presidenten e Komisionit Europian. Lidhur me bisedën në fjalë, kryeministri thekson se çfarë do diskutohet, do ia përcjell qytetarëve.
Referuar zbatimit të rregullave të vendosura nga ana e qeverisë, Rama shpreh falenderimet ndaj kujtdo, për të minimizuar përhapjen e koronavirusit. Ai ka kërkuar vetëm durim, pasi kjo luftë me virusin vdekjeprurës nuk do jetë e shkurtër.
Zv.ministrja e Shëndetësisë, Mira Rakacolli konfirmoi 9 raste të reja me koronavirus në Shqipëri, duke e çuar numrin total të të prekurve në 51.
Nga këta, 20 persona janë të shtruar në spitalin Infektiv, ndërsa pjesa tjetër po trajtohen në shtëpi. Tre prej personave të shtruar në Infektiv janë në terapi intensive.
Statusi
? SOT PASDITE BISEDË TELEFONIKE ME PRESIDENTEN E KOMISIONIT EUROPIAN, URSULA VON DER LEYEN. MË PAS, NË ORËN 18.30, DO T’JU KOMUNIKOJ MESAZHIN TIM TË DREJTËPËRDREJTË!
? FALEMINDERIT TË GJITHËVE PËR MIRËKUPTIMIN FANTASTIK DHE ZBATIMIN MBRESËLËNËS TË RREGULLAVE TË LUFTËS, QË ME KËTË UNITET TË FORTË DO TA PËRBALLOJMË ME PATJETËR!
? BESIM SE GJITHÇKA PO BËJMË ËSHTË GJËJA E DUHUR, NË ÇDO HAP E ÇDO DITË DHE DURIM, DURIM, DURIM, SEPSE KJO LUFTË NUK DO TË JETË E SHKURTËR DHE S’ËSHTË GJËKUNDI NJË LOJË KUKAMÇEFTHI, KU PO U “FSHEHËM” NJË JAVË I’A HODHËM!
? JU SIGUROJ TË GJITHËVE SE PO PUNOJMË DITË-NATË PËR TË MOS LËNË VETËM ASNJË SHQIPTAR DHE PËR TË BËRË GJITHÇKA PËR SHËNDETIN E PËR EKONOMINË FAMILJARE DHE KOMBËTARE PO ASHTU!
? DURIM, DURIM, DURIM! FRIKË ASPAK, KUJDES PO! DO T’IA DALIM EDHE KËSAJ LUFTE MEDOEMOS!
