Shqiptarët janë ende në panik nga lëkundjet e shpeshta të tokës. Në lidhje me situatën, sizmologu Rexhep Koçi tha se magnituda e pas-goditjes ka qenë 5.2 e jo 5.6 ballë rihter, ashtu siç u tha në fillim.
Në një lidhje drejtpërdrejt me “News 24”, sizmologu deklaroi se tronditjet e tokës janë pas-lëkundje të tërmetit të së martës.
“Ky tërmet nuk ishte 5.6, po 5.2 ballë i shkallës rihter. Ne kemi bërë vlerësim paraprak, dhe del se kemi një tërmet të shkallës 5.2. Ne po përpunojmë materialin dhe nuk dimë sa ka zgjatur. Thellësia ishte 12 kilometër. Dimë se lëkundjet janë pas-goditje të tërmetit të së martës”, deklaroi ai.
