Një gol i ngjashëm me atë të Elis Bakajt në përballjen me Luftëtarin në Gjirokastër, ka ndodhur në Seria C në Itali. Ku lojtari nuk ka respektuar “fair-play”, por i ka rrëmbyer topin portierit dhe e ka dërguar në rrjetë duke barazuar sfidën.
Në takimin që skuadra e tij ishte duke humbur me rezultatin 2-1 kundër Carrarese, portieri vendas nuk e dinte që loja ishte në vazhdim dhe po priste një vërshëllimë të arbitrit për të goditur topin. Kundërshtari Eusepi ishte treguar i vëmendshëm duke e ditur që loja ishte në vazhdim dhe ia mori topin duke barazuar shifrat.
Goli i Eusepit shkaktoi shumë polemika teksa nga kundërshtarët u cilësua si mungesë “fair play”, por për arbitrin ai ishte një gol i rregullt.
