Serbia do t’i dhurojë Maqedonisë së Veriut 8000 doza të vaksinës Pfizer në luftën kundër pandemisë së koronavirusit.
Lajmi u bë i ditur nga kryeministri maqedonas, Zoran Zaev përmes një postimi në rrjetet sociale.
Presidenti serb Vuçiç ka ofruar që vaksinat të jepen si dhuratë, por Zaev ka insistuar që ato të paguhen.
“Kemi një lajm të bukur dhe të lumtur. Sot do të marrim 8000 vaksina Pfizer nga Serbia. Presidenti Vuçiç konfirmoi sot se Serbia do të na ndihmojë me vaksinat, të cilat ne do t’i paguajmë me çmimin e blerjes.
“Ky është një akt solidariteti nga fqinji jonë për forcimin e miqësisë sonë. Jemi duke diskutuar për proceset teknike të shpërndarjes së vaksinave dhe punonjësit shëndetësorë, të sëmurët kronikë, të rriturit dhe kategori të tjera të rrezikuara do të vaksinohen me dozat e para,”, shkruan Zaev në Twitter.
Имаме убава, среќна вест. Добиваме 8.000 Фајзер вакцини од Србија. Претседателот Вучиќ денес ми потврди дека Србија ќе ни помогне со вакцини од нивната набавка, кои ќе ги платиме по набавна цена.
— Зоран Заев (@Zoran_Zaev) January 18, 2021
