Pas sinjaleve pozitive nga Bullgaria, Serbia ka konfirmuar se me Shqipërinë dhe Maqedoninë do të shkojnë në Bruksel. Në mbledhjen e BE-së në datat 23 dhe 24 Qershor do të merret vendimi për hapjen e negociatave për Shqipërinë dhe Maqedoninë e Veriut, të cilat janë bashkë në këtë proces. Sot opozita në Bullgari është shprehur e gatshme të votojë pro heqjes së vetos ndaj Maqedonisë së Veriut, dhe pritet që propozimi të dërgohet nga qeveria bullgare në Parlament për t’u marrë një vendim.
Shkrimi i Kurir:
Duke pasur parasysh se Republika e Serbisë, Republika e Shqipërisë dhe Republika e Maqedonisë së Veriut përfaqësojnë vazhdimisht interesat e qytetarëve të tyre dhe të gjithë rajonit të Ballkanit Perëndimor në të gjitha forumet relevante ndërkombëtare, vendimi për pjesëmarrje dhe qasje të përbashkët në samitin e Brukselit është një tjetër hap drejt progresit, por edhe një sinjal i qartë se pavarësisht pengesave të shumta, ne vazhdojmë të japim një kontribut konstruktiv në rrugën e integrimit evropian.
Jemi të vetëdijshëm se temat që do të diskutojmë në samit nuk do të jenë të lehta, por pjesëmarrja jonë do të tregojë dhe konfirmojë edhe një herë përkushtimin tonë në rrugën evropiane të Serbisë, Shqipërisë dhe Maqedonisë së Veriut.
Gjithashtu u ra dakord që në takimet në Bruksel do të vazhdojmë të luftojmë për dialogun, si modelin kryesor dhe të vetëm korrekt për zgjidhjen e të gjitha çështjeve të hapura, me përpjekje për të forcuar besimin e ndërsjellë dhe për të intensifikuar komunikimin me zyrtarët e Unionit.
