Serbia bllokon hyrjen e kamionëve nga Kosova në territorin e saj.
Informacionin e mësipërm e ka konfirmuar Ministri në detyrë i Infrastrukturës dhe Mjedisit, Lumir Abdixhiku.
Në një postim në rrjetin social Twitter, Abdixhiku shprehet se është e paprecedentë që gjatë periudhës pandemike të ndalohen transportuesit.
“Është e paprecedent që gjatë pandemisë autoritetet serbe kanë bllokuar transportuesit e mallrave që vinin nga Kosova. Kjo është shkelje çnjerëzore dhe flagrante të marrëveshjes rajonale për korridorë të gjelbër gjatë betejës me COVID-19, për çka janë marrë vesh të gjashtë vendet e Ballkanit Perëndimor”, shkruan ministri në detyrë, raporton “gazeta express”.
