Sekretarja e Shtetit, 77 mijë £ për trajtimet estetike, shpenzoi dhe në Tiranë

Sekretarja e shtetit në Britaninë e Madhe, Priti Patel, është akuzuar se ka shpenzuar plot 77 mijë paund për trajtime estetike.

Artikulli ‘Byline Times’,  ka nxitur reagime të shumta dhe sulme në rrjete sociale ndaj Patel, ku thuhet me ironi se ajo ka paguar mijëra paund për bërjen e vetullave.

Ajo që bie në sy nga lista e shpenzimeve të Sekretares së Shtetit, është shpenzimi prej 2,022.64 paund në dyqanin e ‘Neptun-it’, në qendrën tregtare QTU në Tiranë, ndërkohë që nuk jepen detaje rreth artikujve të blerë nga Patel.

Ministria e Brendshme në Britani nuk i ka mohuar blerjet, dhe ka deklaruar se ato janë bërë në kuadër të pandemisë për të mbrojtur punonjësit shtetërorë dhe nuk janë kryer nga Patel.