Analisti Andi Bushati shprehet se opozita zhduket vetëm atëherë kur instalohet një regjim.
I ftuar në “News 24”, Bushati tha se vendimi i marrë nga opozita e bashkuar për djegin e mandateve ishte i domosdoshëm pasi, sipas tij nuk kishte një rrugë tjetër, më mirë se një opozitë fasadë.
Sa i përket krahasimit që Rama i bën Shqipërisë me Italinë gjatë kohës së Duçes, analistit i duket një krahasim i pavend dhe i rrezikshëm.
“Vetë kryeministri Rama ka marrë shembull rastin e Italisë, e ka thënë edhe në shtypin italian, kështu i ndodhi edhe opozitës italiane (u zhduk) tha dhe shtoi: A kujdes unë nuk jam Duçja.
Nuk e di nëse është lapsus i pandërgjegjshëm apo e ka thënë me vetëdije, por thelbi ku duhet të reflektojmë është se askush nuk fajëson vendosjen e fashizmit për faj të opozitës italiane dhe kjo është gafa historike që bën Rama”, deklaroi Bushati.
Ndër të tjera, Bushati theksoi se opozita nuk duhet të hyjë në zgjedhjet vendore, pasi, sipas tij “Nëse qëllimi final i opozitës është të shembë themelet e sistemit, nuk mund të shembë vetëm një nga themelet e godinës.”
