Kryeministri Rama ka folur mesditën e sotme lidhur me paketën ekonomike. Ai kërkoi nga ana e qytetarëve që të rinë të qetë, pasi askush nuk do ri ‘duarthatë’. “Askush s’do ri pa marrë pagën”, tha kreu i qeverisë, e ndërsa pagesa do të jetë e drejtëpërdrejtë, pa kaluar në duart e pronarëve.
Kjo për shmangur çdo lloj abuzimi, dhe që qytetarët që po jetojnë në këto ditë pandemie, të marrin të ardhurat për të mbajtur frymën. Mjaft i drejtpërdrejtë me qytetarët, kryeministri Rama u ka kërkuar që të denoncojnë informalitetin, dhe të mos flasin lart e poshtë e të ankohen.
Në një dalje LIVE në Facebook, Rama u shpreh se paga 40 mijë lekëshe do e përfitojnë të gjithë ata që janë pjesë e paketës së dytë ekonomike, e do shkojnë direkt tek qytetari.
“E kam të pamundur t’ua shpjegoj të gjithëve të njëjtën gjë pafundësisht. Ne duam që kjo pagë, 40 mijë lekë të vijë drejtpërdrejt tek ju, jo nëpërmjet kompanisë ku punon.
Punonjësit janë përzgjedhur bazuar nga dokumentet që janë paraqitur nga kompanitë deri në datën 10. Që do të thotë se të gjithë ata që janë larguar nga puna për shkak të covid-19, marrin pagën.
Pra ne disponojmë emrin tuaj, dhe duhet vetëm të konfirmoni. Një konfirmim shumë i thjeshtë pa asnjë procedurë….është e detyrueshme të bëhet një verifikim. Ndërsa për bizneset e vogla është më e gjatë procedura. Askush nuk mbetet pa marrë pagën, por thjesht procedura e verifikimit është pak më e gjatë. Thjesht me një klik, përmjet emailit, do tregoni, jam unë dhe kaq. Nuk duam që pronari t’ua mbajë lekët e t’ua japë një pjesë”, tha Rama.
