Kryeministri i vendit Edi Rama deklaroi se edhe nëse Këshilli Evropian nuk vendos për hapjen e negociatave, Shqipëria do të vijojë rrugëtimin me zbatimin e reformave. “Është rrugëtimi i vetëm jo për Europën, por për ta shndërruar Shqipërinë në një shtet të së drejtës. ne nuk po kërkojmë një dhuratë as lëmoshë, por jemi duke kërkuar atë që na përket”, theksoi Rama.
Gjatë konferencës me kryeministrin e Italisë, Giuseppe Conte, Rama u shpreh se më 19 tetor, dielli do të lindë sërish, edhe nëse KE nuk do të na japë një “Po” për hapjen e negociatave.
“Dikush që dëshiron që të vendosë fjalën, të përfundojë një martesë nuk mund të shërbejë si shembull për një tjetër që është i dashuruar. Ne jemi një histori dashuri me Europën dhe nëse britanikët dëshirojnë divorcin, por nuk na shërben si një shembull për të hequr dorë, pasi për ne Europa është një marrëdhënie e fortë që ka një prejardhje të hershme.
Ka shumë prej tyre që shtrojnë pyetjen që si ka mundësi që këta shqiptarë janë të tërhequr nga Europa. Për në Europa është një hapësirë paqe dhe sigurie. Ne vijmë nga një kohë jo e largët ku gjendeshim si Korea e Veriut e Europës. Një gjysmë milion shqiptarët i braktisën shtëpitë në luftën e Kosovës.
Është rrugëtimi i vetëm jo për Europën, por për ta shndërruar Shqipërinë në një shtet të së drejtës. ne nuk po kërkojmë një dhuratë as lëmoshë, por jemi duke kërkuar atë që na përket, jo për t’u shndërruar në anëtarë të BE-së por për të çelur negociatat dhe më tej do të tregojmë se do të jemi të gatshëm për t’u shndërruar në anëtarë. Bëni këtë atë, dhe pastaj shihemi vitin tjetër dhe pastaj…kemi edhe këtë edhe atë si alibi.
Në këto momente shumë prej vendeve anëtare nëse do të ishin në vendin tonë do të kishin të njëjtin problem. Data 18 është e rëndësishme, por në 19 dielli do të lindë sërish, dhe nëse nuk do të kemi një PO do të vijojmë pasi rrugëtimi është për ne dhe nuk është se e bëjmë vetëm për Evropën”, tha Rama.
