Rama njofton se brenda vitit 2020, Malësia e Madhe do të ketë 24 orë ujë në ditë. Kryeministri nuk i ka kursyer edhe thumbimet ndaj kritikëve të qeverisë që ai drejton. Sipas Ramës, është qeveria aktuale ajo që po bën ujin e pijshëm në qytete, dhe askush nga qeveritë paraardhëse nuk e ka bërë këtë gjë.
Ai shton më tej se qeveria ka nisur prej disa kohësh projektin për furnizimin e pandërprerë 24 orë të tyre, duke shtruar një rrjet 88 kilometra për të shfrytëzuar burimet e vargmaleve dhe sot janë kryer 90% e punimeve.
Kjo do të thotë se këtë Vit të Ri, zona urbane e Malësisë së Madhe, do ta lerë pas përfundimisht kalvarin e mungesës së ujit të pijshëm dhe do të marrë 24 orë ujë çdo ditë.
Referuar kritikëve, kreu i qeverisë thotë se ata le të vazhdojnë të përqeshin e të shajnë, ndërsa e kanë fjalën e keqe në majë të gjuhës.
Postimi i plotë:
KANTIERI I UJIT në Malësinë e Madhe është i pari investim nga qeveria, për furnizimin me ujë qysh prej vitit 1990, kur është kryer edhe investimi i fundit, para ndryshimit të sistemit politik në Shqipëri. Nga 13.505 banorët e Koplikut me një furnizim mesatar 4 orë në ditë (në kohë thatësire bie në 90 minuta!), afro 4.500 prej tyre nuk kanë asnjë pikë uji në rubinet prej plot 25 vjetësh!!!
https://www.facebook.com/edirama.al/posts/10158082949616523
