Mesditën e sotme është gjetur një 28-vjecar i pajetë në një rrugicë të Sarandës. Sipas informacioneve zyrtare të policisë, bëhet fjalë për shtetasin me inicialet L.Z., banues në Fushë-Veri Delvinë.
I riu ka qenë në punë e sipër duke shtruar kabllo televizioni nëpër banesat e kësaj lagjeje dhe dyshohet se duke rënë në kontakt me rrymën elektrike të tensionit të lartë, ka humbur jetën.
Informacion paraprak/ Më datë 04.10.2018, në orën 14:20, në lagjen nr.1 Sarandë, është marrë njoftimi për një person të pajetë në një prej rrugicave të kësaj lagjeje. Policia ka shkuar menjëherë në vendin e ngjarjes dhe ka konstatuar se trupi i pajetë i përket shtetasit L. Z, 28 vjeç, banues në Fushë-Veri Delvinë.
Shtetasi L. Z, ka qenë në punë e sipër duke shtruar kabllo televizioni nëpër banesat e kësaj lagjeje dhe dyshohet se duke rënë në kontakt me rrymën elektrike të tensionit të lartë, ka humbur jetën. Grupi hetimor po kryen veprimet e mëtejshme proçeduriale në lidhje me ngjarjen.
