Majlinda Bregu, dje u kthye në kohë reale në qendër të mediave, pas një videoje e cila u bë virale, ku dukej qartë afrimiteti me Knut Fleckenstein. Video u shit sikur ishte bërë pikërisht dje, dhe jo dy vite më parë, ndërkohë që Bregu aktualisht ndodhet në Sarajevë, në krye të detyrës prestigjioze në të cilën është zgjedhur.
Dhe pas akuzave qesharake në drejtim të saj, Bregu ka reaguar me një status në rrjetet sociale, ku shkruan: “Marsi nis me gratë! “NE” po fillon me Nadën …. Grua mahnitëse, e testuar nga zjarri dhe zjarri doli i humburi!
Siç thotë dhe Nada: “Nëse doni të keni sukses, zgjidhni betejën e duhur. Kurrë mos lufto me një derr! Derri do të kënaqet, por ti do të bëhesh pis”. Na ndiqni …. Këshilli i Bashkëpunimit Rajonal – RCC. Dëgjojini gratë”, përfundon komentin e saj në Instagram.
Bashkë me këtë status, ajo ka postuar edhe disa foto të veprimtarisë së saj një ditë më parë në Sarajevë, jo në Tiranë.
Dje, delegacioni i Parlamentit Europian i dha një goditje të fortë qëndrimeve të opozitës për të braktisur Parlamentin, dhe për të kërkuar një qeveri tranzitore dhe zgjedhje të reja.
