Ministri i Brendshëm, Sandër Lleshaj, ka zbuluar marrëdhëniet që ka me ish-kryeministrin e Shqipërisë, Sali Berishën. Ai është pyetur se se si i komenton denoncimet e ish-liderit historik të PD-së në “Facebook”, në lidhje më çështje të ndryshme në vend. Lleshaj tha se shmang çdo koment të tij, e madje i shpërfill denoncimet e tij.
“Nuk kam patur fatin që ta kem mik Berishën. Nuk është prishur asnjë miqësi. Ka qënë shumë larg dhe lart meje. Ka qenë kryeministër, president. Ku di unë të tjera. I ndjek postimet e tij më shpërfillje. Atë meriton. Kanabisi nuk është më fenomen shqetësues në Shqipëri, por problem si në çdo vend tjetër normal. E thotë raporti se Shqipëria monitorohet shumë”.
