E mërkurë, 16 Qershor, 2021
21.5 C
Tirana

Presidencialet amerikane/“Shtetet e lëkundura” që do diktojnë fituesin

Nga: Jackie Fox “RT Eire”

Më shumë se sa zgjedhjet kombëtare, gara presidenciale në Shtetet e Bashkuara, i ngjan shpesh një serie konkursesh që zhvillohen në më pak se një duzinë shtetesh. Kjo pasi si Partitë Republikane edhe Partia Demokratike, mbështeten tek bastionet e tyre tradicionale dhe polarizimi i qëndrueshëm në rreth 80 për qind të shteteve të SHBA-së.

Këto shtete kanë një rekord të fortë të votimit për një parti të caktuar, dhe sondazhet sugjerojnë se tendencat nuk kanë ndryshuar në një mënyrë drastike. Për shembull, Kalifornia ka votuar për kandidatët demokratë për president që nga viti 1992 ndërsa Teksasi ka votuar për kandidatët republikanë që nga 1980.

Prandaj, kandidatët e shohin si të panevojshme që të bëjnë fushatë në një shtet ku ata e kanë thuajse të garantuar se do të fitojnë apo humbasin. Ndërkohë, përpjekjet fokusohen në ato që njihen si shtete të lëkundura, shtetet e “fushës së betejës”, apo “shtete të purpurta”, pra zona që kanë nju besnikëri të paqartë partiake dhe votues jo shumë të bindur.

Si përcaktohen shtetet e lëkundura?

Anketuesi republikan Xhon Mekhenri, thotë se shtetet e lëkundura përcaktohen duke kryer sondazhe, dhe pasur parasysh kufirin e gabimit. “Pra, nëse një shtet ka 600 të anketuar dhe marzhi i gabimit është plus ose minus 4 për qind ne mund të themi:Nëse të dyja palët janë brenda kufijve të gabimit, le të themi 6 për qind… mund të themi që ky është një shtet i lëkundur”- tha ai.

Edhe pse të dhënat mund të ndryshojnë nga java në javë, Mekhendri thotë se me shumë rëndësi është vlerësimi i tendencave historike. “E them sinqerisht, që nëse do të kishte një sondazh që do të thoshte se mbështetja ndaj presidenti Trump në Kaliforni kishte një marzh gabimi prej 5 pikash, kjo nuk do të më bënte të thosha se ky është një shtet i lëkundur. Por do më nxiste të mendoja që është një sondazh i kryer shumë keq”-shprehet ai.

Lexo edhe :   Studimi: Covid-19 në SHBA, që në dhjetor të vitit 2019

Pse janë kaq të rëndësishme shtetet e lëkundura?

Shtetet e lëkundura, janë shumë të rëndësishme për votat e tyre në Kolegjin Zgjedhor. Mos harroni një fakt:Presidenca e SHBA-së nuk përcaktohet nga vota popullore, përkundrazi nga ai që quhet Kolegji Zgjedhor.

Shtetet e lëkundura mund të rrisin ndjeshëm shpresat e një kandidati për të marrë 270 votat e nevojshme në Kolegj për t’u zgjedhur president. Kjo do të thotë se gara për zgjedhjet presidenciale, zhvillohet realisht për një pjesë të vogël të shteteve të lëkundura.

Lexo edhe :   Gjenevë/ Fillon samiti Biden-Putin

Cilat janë shtetet e lëkundura në zgjedhjet e këtij viti?

Për të vlerësuar se cilat janë shtetet e lëkundura në presidencialet e këtij viti, duhet të kthejmë kokën pas në garën e fundit presidenciale, kur pati një ri-konfigurim të madh të hartës zgjedhore. Në vitin 2016, të gjitha indikacionet tregonin se shtetet zakonisht të lëkundura ishin Florida, Ajoua, Ohajo dhe Karolina e Veriut.

Por kur u shpallën rezultatet, u bë e qartë se ishin anashkaluar shtetet e tjera. Sondazhet sugjeruan se Pensilvania, Uiskonsin dhe Miçigan, që ishin bastione të demokratëve, u kthyen në republikane me një diferencë të vogël.

Në vitin 2016, Donald Trump fitoi me një rezultat të ngushtë në këto shtete, së bashku me shtetet e tjera të lëkundura si Florida, Karolina e Veriut dhe Arizona. Duke fituar këto shtete të lëkundura, bashkë me bastionet tradicionale të republikanëve, zoti Trump fitoi mjaftueshëm vota në Kolegjin Zgjedhor për të fituar zgjedhjet. Hilari Klinton fitoi me një rezultat të ngushtë në Nju Hempshajër, Minesota dhe Nevada. Prandaj, të gjitha këto shtete mund të kihen parasysh në zgjedhjet e 3 nëntorit.

Burimi i lajmit: https://www.rte.ie/news/world/2020/1017/1172055-us-election-swing-states/

Përshtatur nga TIRANA TODAY

- Reklama -

Më shumë nga kategoria




Të fundit

Përfundon pjesa e parë/ Lokateli ”ndëshkon” Zvicrën (Video)

Përfundon pjesa e parë e ndeshjes së Grupit C. Italia ka mundur minimalisht Zvicrën, duke vendosur njërën këmbë në turin tjetër të “EURO 2020”. Ndeshja...

Zgjedhjet për kreun e PD/ Shehaj denoncon: Vëzhguesja ime u dhunua

Agron Shehaj, i cili kandidoi për kreun e Partisë Demokratike, ka denoncuar faktin se vëzhguesja e tij në zgjedhjet e 13 qershorit Enkeleda Çela,...

PD mbledh Kryesinë në 18 qershor, ja çfarë do të diskutohet

Partia Demokratike do të mbledhë Kryesinë në datë 18 qershor. Lajmin e ka bërë të ditur Sekretari i Përgjithshëm, Gazment Bardhi. Mbledhja është parashikuar që...

Avokati zapton pronën në Ksamil dhe kërkon legalizim me dokumente false

Emisioni Stop në Tv Klan ka marrë një denoncim nga Ksamili për një sipërfaqe toke që pretendohet se është përvetësuar pa të drejtë. Sipas denoncimit,...

Kontrollet e RENEA-s/ Hoxha zbulon zonat e “nxehta” në Vlorë dhe Shkodër

Gazetari i njohur investigativ, Artan Hoxha ka dhënë detaje lidhur meaksionet e RENEA-s në dy ditët e fundit në vend, ku ka ushtruar kontrolle...