Ish-ministri i Drejtësisë, Ylli Manjani e konsideron vendimin e gjykatës për ish-deputetin Ervin Salianji një “turp juridik”.
Përmes një postim në “Facebook”, Manjani shkruan se ky vendim paraqet një sinjal rreziku për Gjykatën në vendin tonë. Sipas tij, sot u vërtetua që sistemi i drejtësisë nuk është i pavarur, por përdoret nga pushteti.
“Ai vendim i gjykatës që dënon dikë për kallëzim, pa bërë kallëzim është një turp juridik! Jo gjykatësi, por edhe një student i vitit të tretë juridik e di shumë mirë që ai vendim nuk shkon.
Njëkohësisht ky një sinjal i qartë rreziku që gjykata nuk është e pavarur dhe po përdoret nga pushteti për të mbyllur gojën kundërshtarëve politikë dhe denoncuesve të krimeve shtetërore. Jam 100% i bindur se ai vendim është i goditshim e rrëzueshëm dhe pa asnjë efekt. Por duhet vetëm normalitet gjyqësor”, shkruan Manjani.
