Ish-deputeti i PD-së, Ervin Salianji i ka dhënë një USB gazetares së emisionit “Open”, Eni Vasili që ta shfaqë. Sipas tij, aty duket qartë se si policia dhe prokuroria kanë përgjuar në mënyrë të paligjshme selinë e Partisë Demokratike, dhe kryetarin e saj Lulzim Basha. Salianji shton më tej se e gjitha kjo është kryer me urdhër të kryeministrit Rama, dhe se kjo forcë nuk do ta lërë me kaq.
“Ka një skandal më të madh. Për turp të tyre ose ju ka rrëshqitur, prokurorisë i ka rrëshqitur që në mënyrë të paligjshme forcat operacionale kanë survejuar selinë e Partisë Demokratike dhe kryetarin e saj në mënyrë të paligjshme.
Është e qartë që kjo është bërë me urdhër të Edi Ramës, dhe ne nuk do ta lëmë me kaq”, deklaroi ai.
