Deputeti i Partisë Demokratike, Ervin Salianji, e ka cilësuar dështim operacionin “Forca e Ligjit” dhe Vettingun në polici. Salianji kërkoi që Ministri i Brendshëm Bledi Çuçi, të pranojë se kanë dështuar. Ai tha se Vettingu në polici është ndërprerë, por ndërkohë struktura vazhdon të paguhet, duke i shkaktuar dëm buxhetit të shtetit. Salianji pyeti ministrin ndër të tjera për vajzën me syze.
“Ju duhet ta pranoni që kanë dështuar. Kanë qenë dështime që kanë marrë nga buxheti i shtetit para që janë shpërdoruar. Ju thatë që e keni ndërprerë Vettingun në polici, ndërsa paguhen njerëz për këto struktura.
Pse nuk del më kjo goca me syze pas 25 prillit? Ku janë ata që dilnin si në filma aksion? Ku janë këta sot? A ka pasur apo jo selektivitet, mbrojtje politike për njerëz? A ka fuqi ligji përballë njerëzve që janë me mbrojtje politike nga PS-ja?
Po mbështetës tuaj, ish deputet, deputetë aktualë që i ka kapur rrjeta e dekriminalizimit a i ka lajmëruar kjo vajza me syze? Po paraardhësi juaj a i ka shkuar kjo shkresa, dhe nëse po a mund ta publikoni shkresën?!”, tha ai.
