Deputeti demokrat, Ervin Salianji, ka dhënë alarmin për gjendjen në të cilën ndodhen demokratët që janë brenda selisë së PD-së. Në një prononcim për “News24”, ai u shpreh se ka njerëz të plagosur dhe të sëmurë, dhe se kjo është një situatë e paimagjinueshme e bërë për interesat e Berishës.
“Ka njerëz që janë të plagosur. Ka njerëz të sëmurë. Është një situatë e paimagjinueshme e bërë për interesat personale të një njeriu.
Ne po qëndrojmë në zyra të ndryshme. Nuk ka hapësira për të qëndruar të gjithë në një vend. Jemi në zyrat e PD, ishim në një ditë pune.
Kjo nxitje dhune, ky qëndrim aty si gjeneral i një ushtrie të vdekur, për të marrë përpara përfaqësuesit më të lartë të PD, deputetët e zgjedhur, është e papranueshme dhe duhet të marrin përgjigjen e merituar dhe të plotë për çdo cenim që është bërë”, tha Salianji.
