Ministri i Drejtësisë belge Koen Geens, i është përgjigjur, zëvendës-ministrit të Brendshëm shqiptar, Besfort Lamallari. Ky i fundit është shprehur se autoritetet shqiptare kanë kërkuar që në prill nga Belgjika vendimin e dhënë nga drejtësia atje për Safet Rustemin (Bajrin), në mënyrë që të kryhej arrestimi, por procedurat kanë vonuar 5 muaj.
Më tej në deklaratën e tij Besfort Lamallari flet për “pengim” nga ana e Belgjikës dhe sipas tij: “Sikur të ishte dërguar 4 muaj më parë dosja e tij dhe masa e dënimit, katër vrasje do të ishin parandaluar në Shqipëri”.
https://tiranatoday.com/belgjika-mund-te-kishte-parandaluar-4-vrasje-kush-e-pengoi-arrestimin-e-safet-rustemit/
Por, për këto akuza ka reaguar ministri belg, Koen Geens, i cili merr përgjegjësinë për vonesën e dorëzimit të dokumenteve dhe sipas tij ishte një dosje gjigante që do të dërgohej e përkthyer në gjuhën shqipe.
https://tiranatoday.com/arrestimi-i-safet-rustemitministri-belg-skemi-marreveshje-ekstradimi-me-shqiperine/
Sipas tij ishte bërë një gabim procedural në përkthim, që kishte çuar në vonesën e dërgimit të dosjes. “Rustemi ishte i dyshuar për vrasje të mëdha në Shqipëri në vitin 2001”, tha Geens. “Edhe Belgjika kishte dërguar fakte të mjaftueshme për arrestimin e tij. Më 26 dhjetor të vitit të kaluar, ai përsëri shkaktoi të shtënat në qytetin e tij të lindjes, Shkodër. Përsëri ai nuk u arrestua. Është e çuditshme të thuhet se arrestimi i tij është vonuar për shkak të faktit se dokumentet belge kanë mbërritur me vonesë”./TIRANA TODAY/
