Principata e Monakos, është një mikro-shtet në Evropën Perëndimore, me një sipërfaqe prej vetëm 2 km2, dhe një popullsi prej 31 mijë banorësh. Më shumë se 30% e popullsisë në këtë qytet-shtet, janë milionerë. Dhe kjo pasi Monako është një parajsë fiskale, ku të pasurit nuk taksohen.
Vendi mbijeton vetëm nga të ardhurat që vijnë nga turizmi dhe kazinotë e shumta. Kazinoja e parë këtu është hapur që në vitin 1863. Por vetë banorët e Monakos, nuk lejohen të vizitojnë kazinotë, pasi qeveria nuk dëshiron që qytetarët e saj të rrezikojnë paratë e tyre.
Edhe pse të ardhurat për frymë janë mbi 116.000 dollarë në vit. Ky shtet nuk ka ushtri, ndërsa mbrojtja e tij garantohet nga Franca. Monako është kaq i vogël, sa që nuk ka hapësirë për të pasur aeroporte, por ka vetëm pista për helikopterët.
Gjatë pikut të sezonit turistik, aty punojnë mbi 50 mijë punëtorë të huaj. Ky qytet mban edhe rekordin botëror për çmimin e shtëpive. Aty një metër katror shitet deri në 44.500 euro. Shkalla e kriminalitetit është shumë e ulët, edhe sepse ka më shumë policë për person se çdo vend tjetër. Monako është gjithashtu vendi me jetëgjatësinë më të lartë në botë, plot 89.5 vjet./ Tirana Today
